سيدي...بل أنت أحلى

ليس جديدا القول أنه مهما كتب الناس وقالوا فهو أعظم و أجمل وأصدق
لا يرقي لوصفه كلام بشر
هذه الاغنية من أروع ما سمعت في مدح الرسول الاعظم صلى الله عليه وسلم
الأغنية للمنشد الشيعي (الرادود )الرائع نزار القطري
بطبيعة الحال ممكن أن نجد كسنة خدوشا ما في هذه الأغنية لكنها لا تنتقص من رروعتها وتميزها
=======
إلى سيدي ونور قلبي وضياء عيني وحياة روحي
سيد الناس
محمد
صلى الله عليه وسلم

كان يا ما كان

ربنا أكرمني بطفولة أكثر من رائعة في حضن بحر العريش ..الحضانة اللي كنت فيها كانت مواجهة للبحر..في الحضانة كانوا بيعرضوا لنا أفلام جميلة ويطلعونا رحلات قمة في البهجة..كان في الحضانة حوش واسع مليان مراجيح..كنت دايما العب وانا باتخيل نفسي في رحلة بحرية وتقع المركب في ايد قرصان..كنت متاثر بابريق الشاي..في الحضانة كان فيه باستمرار حفلات..وكنت باغني فيها انا واصحابي..زمن جميل ولى لكن ابدا عمره ما راح من روحي وخيالي..عندي يقين ان كل الاوقات العذبة اللي عشناها واتحفرت في قلوبنا وذاكرتنا آية من آيات ربنا سبحانه وتعالى..لانها عينات من البراءة والجمال اللي من غير حدود الموجودين في جنة الخلد..وبالتالى القلب والروح كل ما يرجعوا ورا خلف الذكريات على طول يطيروا لفوق باتجاه الامل في رحمة الله والجمال اللي عنده سبحانه ..الجمال الحقيقي اللي مش هيتحول لذكرى تسبب ألم وشجن أكتر ما تسبب سعادة ..الجمال الواسع الرحيب اللي مش بيخلص ولا يتغير ولا يقتله التعود والملل..حالة سحر بلا حدود..وكمان باحس ان الحنين اللي بيجرف قلوبنا لزمن البراءة ليس الا تجلي من تجليات الحنين لزمن الجنة اللي نزلنا منها مع آدم وحوا..وبكده تبقى المسألة مسألة عودة..نسأل الله العودة بسلام..مش بس لزمن برائتنا واحنا صغار..لكن لزمن برائتنا الأول ..
في الجنة
************
اللهم صل على محمد ..وعلى آل محمد ..وأصحاب محمد ..وألحقنا بهم ياربنا في مستقر رحمتك ومعرض جمالك المفتوح الواسع
خاب من خسر
اللهم اجعلنا من الفائزين